ترجمه لبعض المصطلحات الاردنيه

نقلا عن الكاتب احمد الزعبي
الله يستر عليها:- تقال بعد نهاية كل قصة تم فيها نشر غسيل جميع بنات الحارة وصديقات بنات الحارة

بدك الصحيح والا ابن عمه:- مقدمة لكذبة من الحجم العائلي

شو بدك بطول السيرة:- جملة محشورة داخل قصة يزيد عدد كلماتها عن 100000000 كلمة

وماشفنالك إلا :- يعني موسيقى تصويرية قوتها 7.9 على مقياس ريختر لقصة سخيفة

وما كذبت خبر :- عبارة لنفش العضلات وبداية لكذبة ورسم بطولات ما حصلت إلا بالخيال

انت لسا ما بتعرفني:- تقال عندما يشعر المتكلم انه تبهدل وانمسحت بكرامته الارض

إشتهيناك تكون معنا:- تقال لحرق أعصاب المستمع واذلال شعوره

لا تواخذني بهالكلمة:- مصطلح يهيؤك نفسيا لسماع مسبّة ولكن بطريقة مؤدبة

أنا والله مو فارئة معي:- تدل على اهتمام المتكلم حتى الموت بالموضوع

سيدي ما علينا:- نهاية الحديث البايخ الذي كان يتكلم فيه على غيره بما لا يخصه

عيّن خير:- بعبارة أخرى ....انسى الموضوع

لا يروح فكرك لبعيد:- يعني طنّش عن كل البلاوي اللي خبرتك عليها